A Federación

Deberes escolares. A Educación a Debate

O vindeiro luns 4 de decembro en horario de 19:00 a 21:00, no salón de Actos do Edificio da UNED (rúa educación, 3  A Coruña) terá lugar a primeira sesión da actividade ” A educación a debate”. Abordaraase o tema dos deberes escolares nunha actividade conxunta para familias e profesorado.

Relatora: Susana Rodríguez Martínez
Profesora Titular de universidad (TIT-UN)
Universidade da Coruña
Departamento Psicoloxía
Área Psicoloxía evolutiva e da educación

Coordinadora de Mesa: Dra. Isabel Piñeiro Aguín
Profesora contratada doctor (PC-DR)
Universidade da Coruña
Departamento Psicoloxía
Área Psicoloxía evolutiva e da educación

Participantes en el Debate:

Emilio Joaquín Veiga Río
Experiencia:
• Director do centro de educación Primaria (CEIP San Francisco Javier (A Coruña))
• Presidente da Asociación de Directores de CC.PP da Coruña.
• Presidente de FEAE-Galicia e vicepresidente do FEAE Nacional
• Profesor Asociado da USC
Formación Académica:
• Diplomado en Maxisterio. Humanidades
• Licenciado en Psicopedagoxía. (UDC)
• Doutorado en Innovación Curricular. (USC)

Dolores Blanco Sanguiñedo
Formación Académica:
• Licenciada en Dereito
• Postgrado en Mediación
Actuacións relacionadas coa actividade na que vai participar:
• Presidenta da Federación Provincial de ANPAS de A Coruña
• Secretaria de CONFAPA-Galicia
• Membro do Consello Escolar de Galicia e da súa Comisión Permanente

1 Decembro, 2017 in A Federación, As ANPAs, Cursos e xornadas, Xeral Comentarios (0)

Curso para Directivas de ANPAs 2017

Como ven sendo habitual a Federación organizou -o sábado 25 de novembro- unha acción formativa para as Xuntas Directivas das ANPAs, nas que todos os anos hai novas incorporacións, renovacións completas, ou mesmo nais e pais “reicidentes”!!! a todas elas vai dirixida este curso que se desenvolve en xornada de mañá e tarde, con parada para xantar… que non todo vai ser estudar.

Este ano a sede foi o Pazo de Mariñán, cedido pola Deputación da coruña, que ademáis convidou á comida, colaborando coma sempre coas entidades sen ánimo de lucro, como a nosa, que traballamos no ámbito Provincial.

Queremos agradecer dende aquí a asistencia de todas as ANPAs de Monfero, Abegondo, Santiago, Rianxo, Serra de Outes, Boiro, Noia, Culleredo, Oleiros, Arteixo, Sada, Ordes, Cambre, Cabanas, Miño, Ribeira, Narón, As Pontes, Bergondo e A Coruña que, a pesar do madrugón, o desplazamento, e a “densidade” nalgúns casos dos contidos da xornada… participáchedes activamente e seguides esforzándovos nos vosos centros escolares por facelo cada vez mellor.

Pola mañá Nuria Martínez Pigueiras (Secretaría Técnica da Federación), repasou os aspectos fundamentais na organización das ANPAs: obrigas documentais, fins, dereitos, instrumentos de participación… Un representante da asesoría fiscal e contable falounos sobre estes temas tan  amenos e que sempre suscitan tantas dúbidas… Dúbidas que pola tarde tentamos solventar.

Graciñas a todos… e nos vemos na próxima!

25 Novembro, 2017 in A Federación, As ANPAs, Cursos e xornadas, Xeral Comentarios (0)

Éxito de participación na I Festa das ANPAs da Escola Pública

O pasado sábado 27 de maio, xuntámonos máis de 1200 persoas, de case trinta ANPAs de centros públicos de toda a Provincia, para celebrar a I Festa das ANPAs da Escola Pública.

E é que non todo vai ser traballar a reo nos centros pola educación dos nosos fillos, pola gratuidade dos libros de texto, organizando actividades extraescolares, comedores, bancos de libros, accións formativas, redactando actas, levando as contas, solicitando subvencións… Decidimos que tamén estaría ben poñernos cara unhas ANPAs a outras, intercambiar opinións e desfrutar dun día en familia… e seica a unha morea de xente gustoulle a idea: xogos tradicionais, exhibición canina, capoeira, festa da escuma… ¡repetiremos!

Queremos agradecer a todos os colaboradores, que nos botaron unha man para que este encontro fora posible, a todos os que traballáchedes na organización, aos monitores das actividades, a Protección Civil, que se encargou da seguridade, aparcadoiros… a Garda Civil e 061 por deixarlles troulear aos cativos neses vehículos tan molones que tedes e, por suposto a todos os que vos achegáchedes a pasar o día connosco.

» ver galería

29 Maio, 2017 in A Federación, As ANPAs, Xeral Comentarios (0)

27 de Maio: I Festa das ANPAs da Escola Pública

A Federación organizará o vindeiro sábado 27 de maio a I Festa das ANPAs da Escola Pública

A Federación Provincial de ANPAs de Centros Públicos da Provincia da Coruña organiza, como peche de curso, o primeiro encontro de carácter lúdico para todas as nosas anpas asociadas ANPAs dos centros públicos da Provincia da Coruña.

Queremos desfrutar dun día en familia con todos vos: nais, pais, fillas, fillos, avós… un momento no que compartir experiencias dos vosos centros, “poñernos cara”,  divertirse xunto cos vosos fillos, xantar todos xuntos esas especialidades culinarias que cada quen levará e que tan ben se nos da preparar -todas light- ¡seguro!

Xa case temos todo organizado, fáltanos reservar o sol radiante e pouco máis… en breve abriremos o prazo de inscripción, mentras tanto ide apuntando na axenda: sábado 27 de maio, no Albergue de Gandarío (Bergondo) de 10:00 a 18:30

[/vc_column_text][/vc_column][/vc_row]

4 Abril, 2017 in A Federación, As ANPAs, Xeral Comentarios (0)

Xornada: “Menores e o seu mundo dixital”

CONFAPA Galicia organiza a xornada “Menores e o seu mundo dixital” para o vindeiro 1 de abril.

O uso xeneralizado da internet é unha das grandes revolucións de principios deste século, fomentar o seu uso en todas as disciplinas é unha das aspiracións da educación actual, pero estas cuestións tan positivas débense acompañar dunha educación sobre o que significa a privacidade e a confiabilidade, a proteción de datos, a propiedade intelectual, o uso das redes sociais,  chat, navegación por Internet, uso do correo electrónico, foros, xogos online, etc…

E todo isto é do que falaremos nesta xornada que cremos vai ser de gran utilidade e aprendizaxe.

¡Inscríbete ata o venres 31 de marzo!

 

27 Marzo, 2017 in A Federación, As ANPAs, Cursos e xornadas, Xeral Comentarios (0)

O Constitucional toma en consideración para a súa tramitación a Lei Orgánica sobre a suspensión do calendario de implantación da LOMCE

Podedes ler a información completa no BOE núm. 45 de hoxe mércores 22 de febreiro:

“El Pleno del Tribunal Constitucional, por providencia de 14 de febrero actual, ha acordado admitir a trámite el conflicto entre órganos constitucionales núm. 355-2017, promovido por el Gobierno de la Nación frente el Congreso de los Diputados, en relación con el Acuerdo de la Mesa del Congreso de los Diputados de 18 de octubre de 2016, ratificado el 20 de diciembre de 2016, por el que, rechazando la disconformidad expresada por el Gobierno, se toma en consideración para su tramitación por el Pleno la Proposición de ley orgánica presentada por el Grupo Parlamentario Socialista sobre la suspensión del calendario de la implantación de la Ley Orgánica 8/2013, de 9 de diciembre, para la mejora de la calidad educativa (LOMCE)“

22 Febreiro, 2017 in A Federación, As ANPAs, Xeral Comentarios (0)

CONFAPA Galicia retira o apoio á folga do 9M

A subcomisión parlamentaria encargada de acadar un pacto educativo que concrete unha lexislación educativa de consenso comenzou hai días o seu traballo, as reválidas quedan suprimidas “de facto” ata acadar ese pacto.

A convocatoria de folga do día 9 de marzo estivo pensada para reclamar básicamente estas cuestións. Ante estas circunstancias e o ter constatado que a percepción social da folga que nos transmitistedes desde moitas ANPAS é de falta de apoio polas cuestións mencionadas, CONFAPA Galicia ven de tomar a decisión de retirarlle apoio a folga do 9 de marzo convocada pola Plataforma en Defensa do Ensino Público de Galicia, por un exercicio de responsabilidade.

Podedes ler o comunicado completo enviado por CONFAPA Galicia nesta ligazón.

Novas relacionadas

El Mundo

El País

BOE

21 Febreiro, 2017 in A Federación, As ANPAs, Xeral Comentarios (0)

22 de febreiro: reunión coas ANPAs da cidade

Estimados amigos e amigas, a  Federación contando coa vosa colaboración e a dos directores/as dos Centros, ten previsto ofertar programas de conciliación: Campacole e Cóxegas, en horario de mañá, no mes de xuño -nos días nos que xa remataron as clases- e períodos non lectivos de Semana Santa e verán; atendendo a necesidade das familias que demanden esa atención nos períodos sinalados.

Para darvos máis información e compartir convosco os pormenores que da organización, convocámosvos a esta xuntanza.

Data: mércores 22 de febreiro
Hora: 18:30
Lugar: Federación Provincial de ANPAS
Duración aproximada: 1 hora

16 Febreiro, 2017 in A Federación, As ANPAs, Convenio co Concello da Coruña, Outros Comentarios (0)

A Xunta non dotará de cociña ao colexio de Novo Mesoiro

Esta mesma mañá, Silvia Cameán, Concelleira de Xustiza Social e Coidados do Concello da Coruña reuníase cos respresentantes da Plataforma Galega por uns Comedores Responsables na Escola, para informarnos da situación en canto a dotación de cociña propia no colexio de nova construcción de Novo Mesoiro (A Coruña).

A inminente construcción deste centro escolar brinda unha oportunidade extraordinaria -aínda non comezaron as obras- para que se dote de cociña propia, deixando así a porta aberta a outro modelo de xestión do comedor escolar que non sexa necesariamente a subcontratación dun servizo de catering.

Inda_OitaPero as novas que nos trasladou a Concelleira, trala reunión con Jesús Oitavén (Secretaría Xeral Técnica, Consellería de Cultura, Educación e Ordenación Universitaria) e Indalecio Cabana (Xefatura Territorial de Educación da Coruña) non foron precisamente alentadores: o colexio de Novo Mesoiro non terá cociña.

Os representantes da Plataforma que acudiron a reunión: Beatriz Ferreira (Directora da EIM A Caracola da Coruña), Xosé Ramón Cendón (Sindicato Labrego Galego), José María Hernández (productor agroecolóxico de A Tenza), Guillermo Usero (Presidente da ANPA da Caracola) e Daniel Cameselle (Secretario da Federación Provincial de ANPAs), trasladarán á plataforma esta información e estudiarán os pasos que seguirán para facer entender á Administración Autonómica que outro tipo de alimentación nos comedores escolares é posible: con cociñas nos propios centros ou cercanos, con productos de proximidade, ecolóxicos e de calidade.

artigo

16 Febreiro, 2017 in A Federación, As ANPAs, Xeral Comentarios (0)

9 de marzo: folga xeral educativa

Convocatoria FolgaA Plataforma en Defensa do Ensino Público de Galicia convoca folga xeral educativa, en todas as etapas, desde Infantil ata a Universidade, o próximo 9 de marzo, chamando a todos os sectores da comunidade educativa a apoiala. Extendendo este chamamento a  todos os representantes de todos os niveis e sectores do ámbito educativo para acadar unha convocatoria de folga de carácter unitario.

O goberno afirma e anuncia que está disposto a acadar unha lei educativa de consenso. Pero a realidade demostra o contrario poñendo todas as trabas posibles a calquera iniciativa que acabe co a LOMCE.

NON Á LOMCE!

NON AOS RECORTES EN EDUCACIÓN!

POR UNHA ESCOLA PÚBLICA INCLUSIVA E DE CALIDADE!

» Convocatoria da folga

8 Febreiro, 2017 in A Federación, As ANPAs, Xeral Comentarios (0)