A Xunta Directiva e o persoal técnico da Federación Provincial de ANPAS de Centros Públicos da Coruña deséxavos unhas Felices Festas e un próximo ano cheo de felicidade
A Xunta Directiva e o persoal técnico da Federación Provincial de ANPAS de Centros Públicos da Coruña deséxavos unhas Felices Festas e un próximo ano cheo de felicidade
Ola, bo día e benvidos a este novo curso escolar 2019/20
Informamosvos da oferta dos programas de actividades que imos desenvolver ao longo do curso polo que xuntamos os trípticos informativos e folla de inscrición en formato pdf que tamén recibiredes en papel no voso Centro entre luns ou martes da vindeira semana.
Para facer todo máis operativo e sinxelo e facilitarvos o traballo do procedemento de inscrición e cobro de cotas en todos os programas, neste curso poderedes optar por dúas modalidades de inscrición:
1. On line: Cada familia, utilizando a ligazón https://forms.gle/ioajbL29PiKRHxjKA fará unha inscrición por alumno/a na que se inclúe, como campo obrigatorio a cubrir, a petición dos datos de domicialición bancaria. (A información que enviedes ás familias ten que levar: a ligazón, o tríptico que vos enviamos,as actividades que ofertades e os horarios nos que se impartirán no voso Centro). Cada inscrición xa se recibe na Federación, quen se encargará do cobro das cotas. Unha vez rematado o procedemento de recepción de todas as solicitudes, compartiremos convosco a listaxe dos alumnos/as e grupos conformados seguindo os criterios dos programas.
2. Na propia ANPA. Como se fixo habitualmente, a Anpa recollerá as inscricións que nos entregaredes na nosa oficina. O cobro farase tamén mediante domiciliación bancaria, a excepción, polas razón que sexan, das familias que opten polo pago na propia ANPA.
Como sabedes, para implementar calquera dos programas ou todos eles, é necesario contar coa aprobación do Consello Escolar.
POE E DEPORTE NO CENTRO: Novidades: Inscrición online, domiciliación bancaria e lixeiro incremento do custo. Toda a información no tríptico que se achega.
CÓXEGAS: do 11 ao 30 de setembro. Previamente deberedes confirmarnos, o máis rápidamente posible, se estades interesados en implementar este programa.
Inscrición:
A partires do día 2 de setembro, on line ou na ANPA. Se precisa un mínimo de 10 escolares para a formación de grupo.
Custo: 15 euros, aos que hai que engadir o seguro de accidentes de 4 euros ( cobertura para todos os programas xestionados pola Federación para o curso 19/20)
Becados: Debido ao retraso por parte do Concello da resolución das solicitudes de bolsas de comedor, os escolares solicitantes das bolsas deberán cubrir igualmente o apartado dos datos bancarios tanto na inscrición on-line como no formulario na ANPA. Non se lles pasará o recibo devengado do mes de setembro ate a confirmación da concesión ou denegación da bolsa de comedor. Se teñen concedida a axuda, deberán comunicarllo á Federación vía email a ocio@fedapascoruna.org , tendo de prazo ate o día 5 de outubro. No caso de non ser beneficiarios da bolsa, procederemos ao cobro dos recibos que lles correspondan entre os días 5 e 10 de outubro. Os escolares beneficiarios das axudas están exentos de calquera cota, incluida a do seguro de accidentes.
Importante:
– O cobro das actividades faráse por domiciliación bancaria e nos 10 primeiros días do período cargaráse a cota correspondente.
– Os gastos derivados da devolución dos recibos correrán pola conta do usuario.
– Unha vez inscrito nos programas de ocio Educativo e Deporte no Centro, a renovación da inscrición para os seguintes períodos realizaráse automáticamente. Se non desexa continuar na actividade, deberá comunícalo via e-mail a ocio@fedapascoruna.org nos 15 días anteriores á finalización do período no que está inscrito.
NATACIÓN ESCOLAR: Este programa depende do Servizo Municipal de Deportes, non é xestionado directamente pola Federación polo que a inscrición NON SERÁ ON-LINE e o procedemento do cobro da cota non sufre variación, sendo na ANPA e coas fichas de inscrición que vos faremos chegar a vindeira semana.
LISTEN AND SPEAK: Continuaremos ofertando este programa do que enviaremos información a vindeira semana. Agora mesmo estamos á espera da información do Servizo Municipal de Educación.
Coma sempre, agradecervos o esforzo e traballo que supón a vosa inestimable labor nos Centros Escolares e decirvos que na xuntanza do martes día 3 estamos a vosa disposición para clarexar calquera dúbida ou ampliar a información.
Un afectuoso saúdo
Xunta Directiva
O programa Deporte no Centro propón a realización de catro grandes encontros deportivos nos que poderán participar todos os nenos e nenas inscritos nas escolas de patinaxe.
Nestes encontros, os nenos e nenas amosarán ás súas familias e aos participantes doutros colexios algunhas das aprendizaxes adquiridas neste curso. Todo iso enmarcado dentro dun ambiente lúdico onde a participación e a diversión deben ser os obxectivos para alcanzar.
Devanditos encontros realizaranse no Palacio dos Deportes de Riazor. En concreto, no que participará o seu colexio, realizarase na data e horario que figuran a continuación.
Este programa de conciliación desenvolverase os días lectivos do mes de xuño. Isto é, de luns a venres en horario de 16:00 a 18:00 horas dende o luns 3 de xuño ata o venres 21 de xuño.
Prazo de inscrición: ate o 16 de maio. (no tríptico informativo que vos achegamos, o mesmo que xa tendes dende principio do curso, figura o día 10, pero alongamos a data ata o 16, para dar mais tempo a facer as inscricións)
Custo do programa: 15 € / participante.
Requisitos:
· Contar coa aprobación do Consello Escolar.
· Cumprir a ratio mínima de 10 escolares para formar grupo.
As inscripcións cubriranse no mesmo modelo dos programas educativos e está incluída no díptico xeral dos programas.
O Servizo Municipal de Educación, en colaboración coa Federación de ANPAs de centros públicos, participará coa actividade “Eureka” do “Programa de Lecer Educativo”, destinado a escolares de 3 a 9 anos, con actividades relacionadas coa astronomía. Tamén participará a escola infantil municipal Os Cativos.
Os obxectivos do Día da Ciencia na Rúa son:
“AS MANS DO NADAL”
As mans do Nadal serán as protagonistas deste campacole porque elas coa súa
solidariedade son capaces de salvar o Nadal de moitas persoas que así o precisan, enchendo de maxia, soños e ilusión estas datas tan especiais para todos.
Unámonos a elas para descubrir todo o que son capaces de facer para manter viva a esencia do Nadal.
SEDES
Nos seguintes CEIPs: Anxo da Garda, Curros Enríquez, Emilia Pardo Bazán, Juan Fernández Latorre, Manuel Murguía e San Pedro de Visma.
PERSOAS DESTINATARIAS
Alumnado de Ed. Infantil e Primaria dos CEIPs públicos do concello de A Coruña.
DATAS
– QUENDA 1: 26, 27, 28 de decembro do 2018.
– QUENDA 2: 2, 3, 4 de xaneiro de 2019.
– DÍA OPCIONAL: 7 de xaneiro de 2019.
HORARIO
– Campamento: De 10:00 a 14:00 h.
– Madrugadores: A partires das 8:30 h.
– Comedor. Dende as 14:00 h. ata as 15:30 h. (podendo sair dende as 15:00h).
COTAS
QUENDA 1: Madrugadores: 3 €. Almorzo: 3€ . Campamento: 10 €. Comedor: 12 €.
QUENDA 2: Madrugadores: 3 €. Almorzo: 3€ . Campamento: 10 €. Comedor: 12 €
DÍA 7 DE XANEIRO: Madrugadores: 1 €. Almorzo: 1€ . Campamento: 4 €. Comedor: 4 €
INSCRICIÓN(POR RIGUROSA ORDE DE INSCRICIÓN)
-DÍAS: 3, 4 e 5 de decembro só o alumnado matriculado no centro sede, ademáis do alumnado dos CEIPs Prácticas e Sanjurjo de Carricarte que, solicitando ser sede se decidiu fusionar co centro máis próximo para unha mellor optimización dos recursos.
Os días 10 e 11 de decembro, o alumnado matriculado nun CEIP público do concello.
-HORARIO: de 9:00 a 9:30h. e de 16:00 a 16:30 h.
O CEIP Curros Enriquez terá o seguinte horario de mañá: de 9:15 a 9:45 (o de tarde manterase igual).
-LUGAR: no local do ANPA.
PRAZAS
Campamento: Mínimo de 15. O máximo será de 45, a excepción de Curros Enríquez e San Pedro de Visma que serán 60.
Madrugadores e comedor: Mínimo de 10.
No caso de non chegares ao mínimo esixido, devolveríase a cota aboada.
A oferta de programas de ocio da Federación Provincial de ANPAs para o curso 2018/19, enmárcase dentro dun convenio de colaboración co Concello da Coruña.
Estes programas pretenden ocupar o tempo libre dos escolares, con propostas onde o xogo e a diversión serán o aceno de identidade, proporcionando ao mesmo tempo un lecer activo e de calidade.
Os nenos/as terán un amplo abano de experiencias, que lles permitirán completar o seu desenvolvemento integral como persoa, dentro dun colectivo e nun ambiente distendido, socializador e integrador.
Estes programas desenvolvense nos propios centros públicos da cidade, favorecendo así a conciliación da vida laboral, social e familiar.
4, 5, 6 e 7 de xuño – Pazo dos Deportes de Riazor
Un ano máis, os nenos e nenas participantes nas escolas deportivas de patinaxe do programa Deporte no Centro, amosarán nestas catro sesións algunhas das aprendizaxes adquiridas neste curso, enmarcándose a súa participación nun ambiente lúdico, onde a participación e a diversión serán de novo os principais obxectivos desta iniciativa
O horario aproximado será de 16:30 a 18:00 h.
A apertura para os espectadores será a partir das 16:15 h.
Calendario de participación dos centros:
O programa Cóxegas é unha proposta que xurde como resposta a demanda das familias para poder conciliar a vida familiar e laboral ata o último día do curso escolar.
Este programa ofrece aos escolares a oportunidade de realizar xogos e deportes, así coma actividades lúdicas de animación teatral, plástica … baixo un enfoque integrador onde os nenos e nenas serán os propios protagonistas mediante a creación dunha aventura virtual
Realizarase en todos os CEIPs públicos que así o soliciten e aproben en Consello Escolar
Período: do 1 ao 21 de xuño
Días e horario: de luns a venres, de 16 a 18 h.
Para inscribirse, pregunta na ANPA do teu colexio
