Xornadas

Xornada: “Menores e o seu mundo dixital”

CONFAPA Galicia organiza a xornada “Menores e o seu mundo dixital” para o vindeiro 1 de abril.

O uso xeneralizado da internet é unha das grandes revolucións de principios deste século, fomentar o seu uso en todas as disciplinas é unha das aspiracións da educación actual, pero estas cuestións tan positivas débense acompañar dunha educación sobre o que significa a privacidade e a confiabilidade, a proteción de datos, a propiedade intelectual, o uso das redes sociais,  chat, navegación por Internet, uso do correo electrónico, foros, xogos online, etc…

E todo isto é do que falaremos nesta xornada que cremos vai ser de gran utilidade e aprendizaxe.

¡Inscríbete ata o venres 31 de marzo!

 

27 Marzo, 2017 in A Federación, As ANPAs, Cursos e xornadas, Xeral Comentarios (0)

II Xornadas sobre adiccións sen sustancia

II Adiccións sen sustancia10 de Febreiro de 2017. Sala Juanjo Gallo, Deputación Provincial da Coruña.

AGALURE, coa colaboración da Deputación da Coruña organiza as II Xornadas sobre adiccións sen sustancia.

Un dos fins sociais desta entidade é precisamente a difusión e sensibilización da sociedade respecto dos problemas asociados á adicción ao xogo ou outras adiccións sen sustancia ou comportamentais as que as nosas fillas e fillos, coas novas tecnoloxías tan a man, poden estar expostos.

A inscripción é de balde ata completar o aforo. O programa das Xornadas é o seguinte:

9:30 – 10:00  Recepción e entrega de material

10:00 – 10:30 Presentación da Xornada:
Autoridades asistentes
Asociación

10:30 – 11:30 Charla coloquio “Adiccións sen sustancia: Ludopatía, compras compulsivas, redes sociais, móbiles”
Intervención de D. José Manuel Recouso Ramos (Psicólogo Clínico de AGALURE)

11:30 – 12:00 Descanso

12:00 – 13:00 Relatorio: “Xogo Responsable”

Intervención de D. Máximo Enrique Gutiérrez Muélledes (Presidente de F.E.J.A.R.)

13:00 – 13:30 Relatorio: AGALURE como instrumento de Prevención. Intervención de D. Gerardo Rodríguez Velo (Secretario Agalure)

13:30 Clausura da Xornada

26 Xaneiro, 2017 in As ANPAs, Cursos e xornadas, Xeral Comentarios (0)

Xornada de formación de directivos de ANPAs

formacion-de-directivos-de-anpasO vindeiro sábado día 19 de novembro ás 9:45 no Hotel Atlántico da Coruña  faremos o curso de formación dirixido principalmente aos compañeiros e compañeiras que son novos nas Xuntas Directivas, ou non tiveron oportunidade de asistir a cursos anteriores.

Nesta xornada que se desenvolverá en horario de mañá e tarde -para que nos dea tempo a resolver case todas as dúbidas- trataremos temas da xestión das ANPAs e do seu funcionamento en xeral, que de seguro axudarán no voso traballo.

E como non só de bó facer e de voluntariado viven as ANPAs, por suposto, estades convidados a comer connosco.

Programa

Inscrición

17 Novembro, 2016 in Cursos e xornadas Comentarios (0)