Como ven sendo habitual, a Federación Provincial de ANPAS, conxuntamente co Concello da Coruña, organiza actividades de verán, tanto para dar resposta á conciliación das familias, como para facer que os/as nenos/as disfruten de actividades de lecer divertidas, sempre cumprindo a normativa de prevención vixente referente á COVID-19.
Esté verán serán dúas as actividades que levaremos a cabo:
Hoxe, os nosos representantes en CONFAPA Galicia, mantiveron unha reunión coa Directora Xeral de Saúde Pública da Consellería de Sanidade, na que se lles comunicou que se vai proceder ao chamamento dos monitores de comedores xestionados polas anpas, para comezar coa súa vacinación, seguindo a listaxe que lles foi enviada pola nosa Federación, froito do traballo conxunto do noso persoal, das empresas e das ANPAS.
Un saúdo,
Xunta Directiva
CONFAPA-GALICIA mantivo este luns unha reunión con representantes da Consellería de Educación da que adxuntamos comunicado que recolle a nosa opinión , avalada por as familias que foron consultadas mediante enquisa cun resultado abraiante en contra do adianto dos exames de setembro ao mes de xuño para o alumnado da ESO e de 1º de bacharelato. Decisión que, a dicir da Consellería, ten a aprobación da xunta de directores e dunha parte dos sindicatos do ensino. Neste comunicado denunciamos unha medida que non ten a aprobación da maior parte da comunidade educativa, as familias, ás que nin siquiera se lles deu a oportunidade de manifestar o seu rexeitamento donde estamos representadas, no Consello Escolar de Galicia, por non ser convocado a tratar un tema de tal profundidade que afecta ao proceso formativo dos fillos e fillas de todos nos.
Como representantes das familias lexítimamente recoñecidos nas nosas federacións e confederación de anpas, membros dos Consellos Escolares dos Centros, e dos Consellos Escolares municipais e autonómico, pedimos á Consellería teñan en conta a nosa opinión e argumentación en contra da medida de adianto das probas extraordinarias de setembro; e apelamos á responsabilidade social dos sindicatos do ensino e aos seus representados, para que se manifesten en contra dunha medida lesiva para o seu alumnado.
A CONSELLERÍA DE EDUCACIÓN E O SERGAS EXCLÚEN AOS MONITORES DAS ANPAS DO PLAN DE VACINACIÓN
Informamos que a Federación provincial de ANPAS de Centros Públicos de A Coruña solicitou en primeira instancia á Consellería de Educación que os monitores de comedor e de actividades extraescolares fosen incluídos no Plan de vacinación do grupo 3C que corresponde ao persoal traballador dos Centros Escolares, respostándosenos que non foron considerados como tales, que entenden que non son esenciais nin están entre os colectivos de risco, e que por todo iso deben esperar a que lles corresponda vacinarse dentro do seu grupo de idade; resposta que non podemos entender nin aceptar, pois os monitores/educadores contratados polas Anpas ou as súas Federacións están en contacto directo co alumnado nos servizos de madrugadores e comedor e/ou actividades extraescolares, varias horas ao día no horario de tarde, e nos dous primeiros casos atendendo ao alumnado sen máscara.
Ante tal resposta, témonos dirixido tamén á Xerencia e Dirección do Sergas para expoñer a situación e solicitar que estes traballadores sexan vacinados cando o persoal colaborador de comedores que depende da Xunta e que sí entraría no grupo 3C, non recibindo resposta algunha.
Denunciamos, ademáis, que se está a producir un agravio á escola publica, pois os traballadores e colaboradores de comedor dos Centros Concertados sí están sendo chamados a vacinarse por terse permitido a súa inclusión nos listados de persoal non docente dos centros.
As nosas fillas e fillos non só están en contacto directo cos docentes, senon tamén, e ás veces en maior medida, con outros profesionais que tamén traballan nos espazos escolares, colaborando na súa formación, desenvolvemento físico e mental e favorecendo a conciliación familiar. Entre as finalidades dunha pronta vacinación dos traballadores dos centros educativos é primordial a de conseguir que os centros educativos sexan un espazo seguro para o alumnado e para acadar ese fin é absolutamente indispensable que se aplique o Plan de Vacinación a todo o persoal, tamén ao que depende das Anpas.
Xunta Directiva
Deixamos aquí o enlace ao Programa de actividades extraescolares actualizado.
Deixámosvos aquí o enlace ao protocolo de actuación frente a COVID-19 que aplicaremos nas nosas actividades de ocio educativo
Un curso mais e cunhas circunstancias moi especiais descoñecidas en calquera outro pasado, contactamos con vós para trasladarvos información das actividades que desde esta Federación, en convenio co Concello de A Coruña, pretendemos poñer en marcha para este curso 2020-2021.
Dadas as actuáis circunstancias da pandemia, e por suposto partindo da total autonomía para decidir as concretas actividades a ofertar, indicámosvos unhas pautas orientativas ou recomendacions a ter en conta:
– Cantas menos actividades se superpoñan na mesma franxa horaria mais doado resultará facer grupo coa menor agrupación posible de grupos de convivencia estable (CGE). En función da demanda, pode ser incluso recomendable a elección dunha única actividade para cada franxa horaria, garantindo así na maior medida posible a estanqueidade dos GCE e a formación de grupos sen merma do obxectivo conciliatorio que prima no contexto que vivimos.
– A actividade concreta elexida, que en todo caso será de dúas horas semanais en días distintos (agás os proxectos dos venres), deberá preferiblemente ubicarse temporalmente no mesmo tramo horario, de 16:00 a 17:00 ou de 17:00 a 18:00. Favorécese así a asistencia nos dous días elexidos, propiciando ademais unha maior calidade da actividade derivada dun seguimento continuado polos usuarios, así como unha combinación mais doada para as familias en función de que precisen conciliar unha ou dúas horas na tarde.
– Elaborar un planing que conteña unha única actividade por tramo de idade (Infantil, 1º a 3º de E.P. y 4º a 6º de E. P.) en cada hora, sen opcións de elección, é recomendable combinar actividades deportivas, de arte e cultura e de idioma, facendo así mais atractiva a proposta lúdico-educativa.
– Aínda que dende a Federación, e coa estricta observación de cantas medidas protocolarias se nos indiquen, tentaremos poñer en marcha todas as concretas actividades ofertadas, compre teñades en conta á hora da escoller, que sempre serán mais doadas de levar a cabo sen incidencias aquelas que non requiran contacto estreito entre os usuarios.
– A maior especificidade da actividade pode requerir da imparticion da mesma por persoal específico. As mais xeneralistas, pola contra, permiten que un mesmo educador imparta varias, evitando asi a necesidade dun maior número de educadores distintos no mesmo centro.
Ademáis para poder elaborar o noso protocolo COVID, precisamos coñecer canto antes:
1. As actividades extraescolares por nivel educativo que queredes ofertar no voso centro.
2. Coñecer o protocolo COVID que implementará o voso colexio.
Todas as inscricións faranse online na web: http://www.fedapascoruna.org/inscripciones
Para calquera dúbida, podedes contactar con nós no email: ocio@fedapascoruna.org
Un cordial saúdo
Federación Provincial ANPAs.
Teléfonos 981 20 20 02 – 981 20 18 77
Informámosvos de que a folga prevista para o día 16 trasládase ao día 23 coincidindo co comenzo do curso na ESO.
Para o mércores 16 de setembro ás 19 horas, hai convocadas mobilizacións en diferentes puntos de todas as provincias (achegamos cartaz coa información) a prol dunha volta segura ás aulas, ás que se suma CONFAPA-GALICIA (Federacións Provinciáis da Coruña, Lugo, Ourense e Pontevedra).
Sobra decir que é moi importante ter en conta:
— Respectar ás medidas de seguridade: distancia social de seguridade, máscaras.
— As familias dos Concellos que teñen limitadas as reunións a 10 persoas, poden acudir ás mobilizacións; único requisito, concentracións en grupos de 10 persoas (pode haber 1000 persoas, agrupadas en 100 grupos de 10, por exemplo).
ESIXIMOS:
NA DEFENSA DO ENSINO PÚBLICO. NIN UN PASO ATRÁS!!!
Rogamos a máxima difusión ás familias.
Saúdos,
Xunta Directiva Federación Provincial de ANPAS de A Coruña
