Comunicado sobre a suspensión das actividades académicas nos centros educativos

Deixamos aquí acceso ao comunicado de CONFAPA GALICIA sobre a suspensión das actividades académicas nos centros educativos, que suscribimos na súa totalidade. Comunicado

Tamén poñemos o enlace ás medidas a adoptar en todos os centros de ensino en relación coa pandemia covid- 19 para os vindeiros 14 días naturais contados dende o día 16 de marzo de 2020 dadas pola Consellería. Medidas a adoptar

XXIV Mostra de Actividades Culturais

CELEBRARASE OS DÍAS 12 (martes), 13 (mércores) e 14 (xoves)  DE MAIO DE 2020, en horario de tarde no FORUM METROPOLITANO DA CORUÑA (Río de Monelos s/n)

Estimadas ANPAS:

Enviámosvos toda a información de cara a organizar a XXIV Mostra de Actividades Culturais no Forum Metropolitano do mes de maio, organización que comenza en cada ANPA vendo que actividades extraescolares poden participar. Rogamos encarecidamente cumprir cos prazos que se establecen, e así dar tempo aos responsables da organización da Federación de cadrar horarios, facer en imprenta os carteis e programas, buscar colaboradores, etc, etc.

MOI IMPORTANTE: A data límite de presentación das fichas de inscrición, así como dos debuxos será o día 12 de marzo (xoves) ás 20:00 horas nas oficinas da Federación.

Unha cuestión de moita importancia, son as normas que se refiren ás cuestións organizativas que rogamos enviedes directamente ás familias dos nenos e nenas que van participar e evitar de ese xeito, na medida do posible, incidencias que  danse e repítense en case todas as edicións. E sen mais, animádevos a participar e agradecervos a vosa colaboración.

Xornada de Formación

Curso de Formación para ás directivas das ANPAS

PARTICIPAR É UN DEREITO, PERO TAMÉN É UN DEBER SOCIAL.


O sábado día 8 de febreiro celebrouse dende as 9:20 ata pasadas as 14:30, no Hotel Exe da Coruña unha nova edición do curso de formación que vimos facendo todos os anos para que as persoas que forman parte ou as que entran novas na directiva dunha ANPA.

O obxectivo da xornada é que estéan ao día no que atinxe a todos os aspectos que  deben terse en conta á hora de xestionar unha Xunta Directiva, e tamén resolver as dúbidas que poidan xurdir.

Para que as ANPAS cumpran cos seus fins e obxectivos e para conseguir unha participación efectiva e rigorosa na xestión escolar, os pais e nais que desexen participar na ANPA e na xestión da escola, han de estar formados e informados e aprender a debater, colectivamente, os problemas e propostas de actuación máis axeitadas. Esta xornada axudaranos a cumprir, con máis facilidade, o noso compromiso a favor dunha educación democrática, inclusiva e de calidade, ao servizo das nosas fillas e fillos, así como coñecer os nosos dereitos e deberes como pais e nais e como ANPA.

Foi unha mañá intensa tanto pola información dos poñentes, como polas dúbidas e experiencias das moitas ANPAS que asistiron.

Programa de participación cidadá

O pasado 26 de novembro membros da Xunta Directiva asistiron á
reunión anual do Programa de participación cidadá da policía nacional.

Entre outros temas expuseron que a droga segue a ser un tema preocupante. Remitiron queixas polas xeringas que se atopan en parques e outras zonas da cidade e puntos de venda polo miúdo de drogas como as casas de San José, O Castrillón e Monelos. Unha área crítica nese barrio é a contorna do Instituto Monelos, na parte alta do parque de Oza.

Outras preocupacións manifestadas centráronse na vida nocturna dos establecementos de hostalería, especialmente “after hours” nas zonas de Orzán e Zalaeta. E por suposto, o tema da actividade de salas de apostas e salas de xogos, especialmente preto das escolas.

https://www.laopinioncoruna.es/coruna/2019/12/04/alerta-roja-vecinal-droga-apuestas/1457675.html

Alumnado con NEE

O pasado 30 de outubro mantivemos unha reunión coa Xunta Directiva da Asociación de Nais e Pais de Alumnos con Necesidades Educativas Especiáis (anpanee, constituida por nais e pais que pertencen a ANPAS  dos  Centros Educativos da cidade da Coruña). Obviamente as súas inquedanzas son as mesmas que a Federación ven defendendo de sempre, polo que nesa xuntanza acordamos unirnos na defensa dos dereitos do alumnado e das súas familias e esixir conxuntamente unha escolarización inclusiva dos nenos e nenas con necesidades educativas especiáis cos mecanismos que sexan necesarios: servir de apoia ás familias, cooperar na realización de charlas, cursos, talleres, reunións coas Administracións, etc.

Polo tanto, calquera dificultade que teñades no voso Centro para garantir a escolarización en igualdade do alumnado con nee, podedes poñelo en coñecemento da Federación no noso enderezo electrónico de sempre fedapascoruna@fedapascoruna.org ou no da propia asociación info.anpanee@gmail.com e de forma conxunta trataremos de axudarvos.

Deixámosvos a carta de presentación de anpanee. Fai clic no logo

Concello da Coruña. Programas Educativos Curso 2019/20

Ola, bo día e benvidos a este novo curso escolar 2019/20

Informamosvos da  oferta dos programas de actividades que imos desenvolver ao longo do curso polo que xuntamos os trípticos informativos e folla de inscrición en formato pdf que tamén recibiredes en papel no voso Centro entre luns ou martes da vindeira semana.

 Para facer todo máis operativo e sinxelo e facilitarvos o traballo do procedemento de inscrición e cobro de cotas en todos os programas, neste curso poderedes optar por dúas modalidades de inscrición:

 1.   On line: Cada familia, utilizando a ligazón https://forms.gle/ioajbL29PiKRHxjKA fará unha inscrición por alumno/a na que se inclúe, como campo obrigatorio a cubrir, a petición dos datos de domicialición bancaria. (A información que enviedes ás familias ten que levar: a ligazón, o tríptico que vos enviamos,as actividades que ofertades e os horarios nos que se impartirán no voso Centro). Cada inscrición xa se recibe na Federación, quen se encargará do cobro das cotas. Unha vez rematado o procedemento de recepción de todas as solicitudes, compartiremos convosco a listaxe dos alumnos/as e grupos conformados seguindo os criterios dos programas.

2.    Na propia ANPA. Como se fixo habitualmente, a Anpa recollerá as inscricións que nos entregaredes na nosa oficina. O cobro farase tamén mediante domiciliación bancaria, a excepción, polas razón que sexan, das familias que opten polo pago na propia ANPA.  

 Como sabedes, para implementar calquera dos programas ou todos eles, é necesario contar coa aprobación do Consello Escolar.

POE E DEPORTE NO CENTRO: Novidades: Inscrición online, domiciliación bancaria e lixeiro incremento do custo. Toda a información no tríptico que se achega.

 CÓXEGAS: do 11 ao 30 de setembro. Previamente deberedes confirmarnos, o máis rápidamente posible, se estades interesados en implementar este programa.

Inscrición:

A partires do día 2 de setembro, on line ou na ANPA. Se precisa un mínimo de 10 escolares para a formación de grupo.

Custo: 15 euros, aos que hai que engadir o seguro de accidentes de 4 euros ( cobertura para todos os programas xestionados pola Federación para o curso 19/20)  

Becados: Debido ao retraso por parte do Concello da resolución das solicitudes de bolsas de comedor, os escolares solicitantes das bolsas deberán cubrir igualmente o apartado dos datos bancarios tanto na inscrición on-line como no formulario na ANPA. Non se lles pasará o recibo devengado do mes de setembro ate a confirmación da concesión ou denegación da bolsa de comedor. Se teñen concedida a axuda, deberán comunicarllo á Federación vía email a ocio@fedapascoruna.org , tendo de prazo ate o día 5 de outubro. No caso de non ser beneficiarios da bolsa, procederemos ao cobro dos recibos que lles correspondan entre os días 5 e 10 de outubro. Os escolares beneficiarios das axudas están exentos de calquera cota, incluida a do seguro de accidentes.

 Importante:

–   O cobro das actividades faráse por domiciliación bancaria e nos 10 primeiros días do período cargaráse a cota correspondente.

–   Os gastos derivados da devolución dos recibos correrán pola conta do usuario.

–    Unha vez inscrito nos programas de ocio Educativo e Deporte no Centro, a renovación da inscrición para os seguintes períodos realizaráse automáticamente. Se non desexa continuar na actividade, deberá comunícalo via e-mail a ocio@fedapascoruna.org nos 15 días anteriores á finalización do período no que está inscrito.

 NATACIÓN ESCOLAR: Este programa depende do Servizo Municipal de Deportes, non é xestionado directamente pola Federación polo que a  inscrición NON SERÁ ON-LINE  e o procedemento do cobro da cota non sufre variación, sendo na ANPA e coas fichas de inscrición que vos faremos chegar a vindeira semana.

 LISTEN AND SPEAK: Continuaremos ofertando este programa do que enviaremos información a vindeira semana. Agora mesmo estamos á espera da información do Servizo Municipal de Educación.

Coma sempre, agradecervos o esforzo e traballo que supón a vosa inestimable labor nos Centros Escolares e decirvos que na xuntanza do martes día 3 estamos a vosa disposición para clarexar calquera dúbida ou ampliar a información.

 Un afectuoso saúdo

Xunta Directiva