‘Non es chivato, es valente’

Se buscan valientes02Dende ’12 meses’ lanzan unha campaña moi especial contra o acoso escolar: se buscan #valientes. O Langui e ‘Coro Encanto’ poñen a música a un videoclip que lanza unha mensaxe directa á testemuña dunha situación de acoso: “Non mires a outro lado e se valente”.

A testemuña é a clave para inclinar a balanza a favor da vítima . O rap é un tipo de música moi directa e combativa, e transmite á perfección a súa mensaxe positiva: Todos podemos ser valentes! Se queres máis información, entra en sebuscanvalientes.com


Se buscan valientes03

Nin un paso atrás!

Onte anunciábase o acordo entre o Ministerio de Educación e as Comunidades Autónomas para reformar as reválidas LOMCE e deixalas sen efectos académicos. Parece que a constancia, o traballo ben feito, as accións contra a LOMCE e a unión das familias por fin empeza a dar os seus froitos.

manifa

Marea Verde, CEAPA, a Plataforma en Defensa do Ensino Público, CONFAPA Galicia, as catro Federacións Provinciais da nosa Comunidade…  dende o primeiro borrador da “Lei Wert” non deixamos de traballar a reo en contra desta aberrante reforma educativa. Grazas ao apoio de todos e cada un de vós, conseguimos facernos oir en Madrid e comezamos a dar pequenos pasos que nos achegan, cada vez máis, a ¡¡derogación da LOMCE!!

O traballo aínda non rematou e, tal como se manifestamos dende esta Federación e CONFAPA Galicia: “solicitamos que se desconvoque a reunión do Consello Escolar do Estado de hoxe e que leven os acordos ao BOE. Logo diso crerémoslles. Hoxe as reválidas (Decreto 310/2016), seguen no BOE e a Orde Ministerial publicarase o día 30. Non podemos crer nas palabras dun Goberno que nos mentiu durante cinco anos. Agardamos a publicación no BOE do novo Real Decreto Lei que sustitúe o 310/2016 do 30 de xullo.

A maioría dos medios de comunicación hoxe facían da noticia:

El Mundo

El Mundo

El País

El País

20 Minutos

20 Minutos

La Voz de Galicia

La Voz de Galicia

El Ideal Gallego

El Ideal Gallego

Por unha alimentación responsable na escola pública

Esta mañá reunímonos, na sede da Federación Provincial, representantes da Comisión de Comedores Escolares desta Federación, con Beatriz Ferreira Varela, directora da EIM A Caracola de Novo Mesoiro (A Coruña).

A Federación, comprometida de sempre por conseguir uns comedores de calidade na escola pública, subscribe o seu apoio, a través de CEAPA, á Plataforma por una Alimentación Responsable en la Escuela a que tamén se adheriu EIM A Caracola e, por suposto tamén o farán CONFAPA Galicia e esta Federación Provincial da Coruña. Convencidos de que os comedores son unha peza clave no ensino que reciben as nosas fillas e fillos,  queremos traballar de forma conxunta por cambiar o modelo, en xeral: a nivel estatal, e en particular: na nosa comunidade.

20161125_reunion-comedores-01

Daniel Cameselle, Beatriz Ferreira e Natalia García na reunión de hoxe

Non entendemos que, nunha terra rica en materias primas de calidade como é Galicia: pesca, gandeiría, agricultura… non haxa unha aposta clara da Administración por uns proveedores de proximidade, uns servizos de comedor con cociña nos propios centros e un control e supervisión da calidade do servizo que non se esqueza da función pedagóxica do comedor escolar.

A sintonía foi total e resulta un primeiro paso de cara ao traballo a nivel Galego da Plataforma por unha Alimentación Responsable. O reto é grande, os colectivos comprometidos: cada vez máis… agora só nos falta poñernos a rodar todos xuntos nun mesmo sentido, sen deixar escapar oportunidades como a da nova construción do novo colexio de Mesoiro, que xa no proxecto nace sen cociña, coartando xa de inicio calquera outro modelo de xestión que non sexa o imposto pola Administración.

Seguiremos traballando para conseguir uns comedores escolares de calidade!

manifesto_foto

26-O: un éxito de convocatoria

O 26 de outubro convocamos unha folga xeral educativa contra as reválidas, contra a LOMCE e contra os recortes en educación que vimos sufrindo nos últimos anos.

A dita folga consistiu en baleirar as aulas de todos os centros educativos do país. A convocatoria, conxunta co alumnado que está ameazado coas reválidas e que soporta a cotío nos seus centros educativos a implantación da LOMCE e os recortes impostos, atacando así o seu dereito á educación foi un éxito.

As cotas de participación foron do 75%, nos centros de Educación Infantil e Primaria, e prácticamente total en Sencundaria e Bacharelato: 98%

Cóxegas: un novo programa que che axuda a conciliar

cartelCóxegasO Programa Cóxegas é unha proposta que xurde como resposta a demanda das familias para poder conciliar a vida familiar e laboral dende o primeiro día do curso escolar, cando aínda non se puxeron en marcha outras actividades extraescolares pero a conciliación segue sendo igual de importante.

Desenvólvese no propio centro educativo, vai dirixido a todo o alumnado matriculado, agrupado por idades, e ofrece aos escolares a oportunidade de realizar xogos e deportes así coma actividades lúdicas de animación teatral, plástica… baixo un enfoque integrador onde os nenos e nenas serán os propios protagonistas mediante a creación dunha aventura virtual nestas tres semanas de duración.

Tes toda a información no díptico do programa. Non esperes máis:

¡apúntate xa!