Xornada Plan Director

PLAN DIRECTOR PARA A CONVIVENCIA E MELLORA DA SEGURIDADE NOS CENTROS EDUCATIVOS E AS SÚAS CONTORNAS.

O sábado día 6 de maio, no Edif. Multiusos da Senra do Concello de Bergondo, organizarase unha xornada sobre o plan director para a convivencia e mellora da seguridade nos centros educativos, dirixido ás familias pertencentes ás ANPAS Federadas da Federación Provincial de ANPAS de Centros Públicos de A Coruña e aos Equipos Directivos dos seus Colexios.

PROGRAMA:

9:45 h.: Recepción de asistentes.

10:00 h.: Benvida da Alcaldesa de Bergondo Dna. Alejandra Pérez Máquez.

10:15 h.: Presentación do Plan Director por Dna. María Rivas López.

               Subdelegada do Goberno en A Coruña.

RELATORES:

10:30 h.: D. José Alfeirán Rodríguez. Alto Inspector de Educación de Galicia.

10:45 h.: D. Antonio Rial Boubeta. Profesor da Facultade de Psicoloxía da Universidade de Santiago. “Adolescentes, adicciones, salud y convivencia. ¿Quién le pone el cascabel al gato?”

11:45-12:00 h.  Pausa/café

12:00 h.: D. Sergio García Vázquez. Cabo Guardia Civil. Formador do Plan Director da Comandancia da Coruña. “Acoso escolar y empatía. Influencia de redes sociales en la adolescencia”

13:00 h.: D. Alberto Arias Álvarez. Inspector. Delegado de Participación Cidadá da Coruña. “Las preguntas más recurrentes en las charlas policiales y sus respuestas menos polémicas”.

14:00 H.: Clausura Mª José Ferreño Precedo. Presidenta da Federación Provincial de ANPAs de Centros Públicos da Coruña.

Esperamos a vosa asistencia e facilitámosvos ligazón para que formalicedes a inscrición, que rematará o día 4 de maio.. Seguiráse a listaxe de inscrición ata completar aforo.

Inscríbete AQUÍ

Gustaríanos contar coa súa presenza

Federación Prov. ANPAs. Centros Públicos da Coruña

Curso de Formación para directivos das Anpas

Este ano recuperamos a organización presencial do Curso de Formación para directivos das Anpas que, por mor das restricións da pandemia, fixemos de forma online nos dous derradeiros anos.

Desta maneira volverémonos a ver para poder  intercambiar experiencias, resolver dúbidas e aprender.

As Anpas deben estar formadas e informadas sobre aspectos administrativos, contables e fiscáis de obrigado cumprimento para as entidades xurídicas.

Esta xornada terá lugar o día 11 de marzo no Pazo de Mariñán de Bergondo, cedido pola Deputación da Coruña co xantar incluido, e axustaráse ao seguinte programa:

PROGRAMA:

9:45.

Recepción dos asistentes.

Presentación: María José Ferreño Precedo, Presidenta da Federación e Dona Sandra González Castro. Delegada Especial en Materia de Educación e Mocidade da Deputación da Coruña.

10:00

Presentación do Plan Director para a Convivencia e Mellora da Seguridade nos Centros Educativos e as súas contornas.

Dona María Rivas López. Subdelegada do Goberno.

D. Sergio García Vázquez. Formador da Garda Civil da Coruña.

D. Alberto Arias Álvarez. Inspector Policía Nacional da Coruña.

10:45

 Curso de Formación. Bloque 1

  • Que é unha ANPA
  • Finalidades e dereitos das Anpas.
  • Documentos da Asociación.
  • Órganos de goberno (Asemblea, Xunta Directiva)
  • Libros ou Rexistros Obrigados.
  • Protección de datos

Relatora: Nuria Martínez Pigueiras. Secretaría técnica da Federación Provincial de Anpas.

12:00 Pausa café

12:20.

Obrigas contables

Contabilidade que permita obter a imaxe fiel do patrimonio

   Obrigas fiscais:

  • Actividades económicas.
  • Imposto de sociedades.
  • IVE
  • IAE
  • Declaración anual de operacións a terceiros.

Relator: Javier Leis. Representante de Algalia (Asesoría contable)

14:30 Xantar

16:00: Continuación do bloque 1

  • Actividades extraescolares.
  • Definición da Federación e as súas función.

18:00 Clausura a Xornada Dona Alejandra Pérez Maquez. Alcaldesa do Concello de Bergondo.

COLABORA:

Curso formación directivos ANPAs

Unha vez comezado o curso, temos constancia de que un gran número de anpas cambiaron a súa Xunta Directiva, e, como todos os anos, programamos o curso de formación dirixido aos/as que vos incorporastes á vosa anpa.

Por razóns de cumprimento do Protocolo Covid, nesta ocasión non será presencial e utilizaremos a plataforma Zoom para impartilo.

Neste curso falarase de toda a parte administrativa que debe coñecer e cumprir unha asociación, dos vosos dereitos, obrigas, finalidades, convocatorias e actas de xunta directiva e asembleas, consello escolar; en definitiva, de todo o que é necesario que coñezades para realizar, de acordo ás normativas e tamén o sentido común, o voso traballo.

Programamos diferentes datas, os días 2, 4, 8,10 e 11 de novembro coa idea de facer grupos de non máis de 35 persoas en cada unha delas.

INSCRICIÓN:

Admitiranse dúas persoas por cada anpa

Elixides entre os propostos, e en primeiro lugar, o día que mellor se adapte a cada un/a de vós.

A continuación marcades unha segunda opción.

Se a demanda da primeira opción supera o límite de asistentes, terase en conta a orde de inscrición para adxudicar as 35 prazas dese día e as seguintes solicitudes irían á segunda data elixida se é posible. A Federación resérvase o dereito de adxudicar outro día dos programados, despois de revisadas as  solicitudes, co fin de respectar os grupos reducidos e que a reunión sexa de proveito.

Enviarémosvos un correo electrónico coa data da vosa participación.
O mesmo día do curso recibiredes no voso correo o IDE de reunión e o código de acceso

Para facer a inscrición, pica no enlace seguinte: Inscrición

Nota: É necesario estar ao corrente no pago da cota anual da Federación para ter acceso ao Curso de Formación.

Un saúdo,

Xunta Directiva da Federación Prov. ANPAs Centros Públicos da Coruña

Xornada de Formación

Curso de Formación para ás directivas das ANPAS

PARTICIPAR É UN DEREITO, PERO TAMÉN É UN DEBER SOCIAL.


O sábado día 8 de febreiro celebrouse dende as 9:20 ata pasadas as 14:30, no Hotel Exe da Coruña unha nova edición do curso de formación que vimos facendo todos os anos para que as persoas que forman parte ou as que entran novas na directiva dunha ANPA.

O obxectivo da xornada é que estéan ao día no que atinxe a todos os aspectos que  deben terse en conta á hora de xestionar unha Xunta Directiva, e tamén resolver as dúbidas que poidan xurdir.

Para que as ANPAS cumpran cos seus fins e obxectivos e para conseguir unha participación efectiva e rigorosa na xestión escolar, os pais e nais que desexen participar na ANPA e na xestión da escola, han de estar formados e informados e aprender a debater, colectivamente, os problemas e propostas de actuación máis axeitadas. Esta xornada axudaranos a cumprir, con máis facilidade, o noso compromiso a favor dunha educación democrática, inclusiva e de calidade, ao servizo das nosas fillas e fillos, así como coñecer os nosos dereitos e deberes como pais e nais e como ANPA.

Foi unha mañá intensa tanto pola información dos poñentes, como polas dúbidas e experiencias das moitas ANPAS que asistiron.

Curso de formación para Directivos de ANPAs

Este sábado, 24 de novembro, tivo lugar unha nova edición do curso de formación para Directiv@s de ANPAs. Celebrouse no Pazo de Mariñán, no concello de Bergondo. Foi unha xornada de maña e tarde, con xantar incluido.

A pesar de que a climatoloxía do día non acompañaba, viñeron moitas nais e pais, membros de distintas xuntas directivas de ANPAs ,de case todas a zonas da provincia: Cariño, Betanzos, Cambre, Oleiros, Culleredo, Abegondo, Bergondo, Ribeira, Noia, Oza-Cesuras, Arteixo, Pontedeume, Ferrol, Narón, Sada, Boiro, Neda e A Coruña.

Hai que agradecerlles a todos e todas a súa presencia e participación no curso, que esperamos fora productivo e lles axude nas tareas de dirección da súa ANPA.

Grazas a tod@s!

Deberes escolares. A Educación a Debate

O vindeiro luns 4 de decembro en horario de 19:00 a 21:00, no salón de Actos do Edificio da UNED (rúa educación, 3  A Coruña) terá lugar a primeira sesión da actividade ” A educación a debate”. Abordaraase o tema dos deberes escolares nunha actividade conxunta para familias e profesorado.

Relatora: Susana Rodríguez Martínez
Profesora Titular de universidad (TIT-UN)
Universidade da Coruña
Departamento Psicoloxía
Área Psicoloxía evolutiva e da educación

Coordinadora de Mesa: Dra. Isabel Piñeiro Aguín
Profesora contratada doctor (PC-DR)
Universidade da Coruña
Departamento Psicoloxía
Área Psicoloxía evolutiva e da educación

Participantes en el Debate:

Emilio Joaquín Veiga Río
Experiencia:
• Director do centro de educación Primaria (CEIP San Francisco Javier (A Coruña))
• Presidente da Asociación de Directores de CC.PP da Coruña.
• Presidente de FEAE-Galicia e vicepresidente do FEAE Nacional
• Profesor Asociado da USC
Formación Académica:
• Diplomado en Maxisterio. Humanidades
• Licenciado en Psicopedagoxía. (UDC)
• Doutorado en Innovación Curricular. (USC)

Dolores Blanco Sanguiñedo
Formación Académica:
• Licenciada en Dereito
• Postgrado en Mediación
Actuacións relacionadas coa actividade na que vai participar:
• Presidenta da Federación Provincial de ANPAS de A Coruña
• Secretaria de CONFAPA-Galicia
• Membro do Consello Escolar de Galicia e da súa Comisión Permanente

Curso para Directivas de ANPAs 2017

Como ven sendo habitual a Federación organizou -o sábado 25 de novembro- unha acción formativa para as Xuntas Directivas das ANPAs, nas que todos os anos hai novas incorporacións, renovacións completas, ou mesmo nais e pais “reicidentes”!!! a todas elas vai dirixida este curso que se desenvolve en xornada de mañá e tarde, con parada para xantar… que non todo vai ser estudar.

Este ano a sede foi o Pazo de Mariñán, cedido pola Deputación da coruña, que ademáis convidou á comida, colaborando coma sempre coas entidades sen ánimo de lucro, como a nosa, que traballamos no ámbito Provincial.

Queremos agradecer dende aquí a asistencia de todas as ANPAs de Monfero, Abegondo, Santiago, Rianxo, Serra de Outes, Boiro, Noia, Culleredo, Oleiros, Arteixo, Sada, Ordes, Cambre, Cabanas, Miño, Ribeira, Narón, As Pontes, Bergondo e A Coruña que, a pesar do madrugón, o desplazamento, e a “densidade” nalgúns casos dos contidos da xornada… participáchedes activamente e seguides esforzándovos nos vosos centros escolares por facelo cada vez mellor.

Pola mañá Nuria Martínez Pigueiras (Secretaría Técnica da Federación), repasou os aspectos fundamentais na organización das ANPAs: obrigas documentais, fins, dereitos, instrumentos de participación… Un representante da asesoría fiscal e contable falounos sobre estes temas tan  amenos e que sempre suscitan tantas dúbidas… Dúbidas que pola tarde tentamos solventar.

Graciñas a todos… e nos vemos na próxima!

Xornada: “Menores e o seu mundo dixital”

CONFAPA Galicia organiza a xornada “Menores e o seu mundo dixital” para o vindeiro 1 de abril.

O uso xeneralizado da internet é unha das grandes revolucións de principios deste século, fomentar o seu uso en todas as disciplinas é unha das aspiracións da educación actual, pero estas cuestións tan positivas débense acompañar dunha educación sobre o que significa a privacidade e a confiabilidade, a proteción de datos, a propiedade intelectual, o uso das redes sociais,  chat, navegación por Internet, uso do correo electrónico, foros, xogos online, etc…

E todo isto é do que falaremos nesta xornada que cremos vai ser de gran utilidade e aprendizaxe.

¡Inscríbete ata o venres 31 de marzo!

 

II Xornadas sobre adiccións sen sustancia

II Adiccións sen sustancia10 de Febreiro de 2017. Sala Juanjo Gallo, Deputación Provincial da Coruña.

AGALURE, coa colaboración da Deputación da Coruña organiza as II Xornadas sobre adiccións sen sustancia.

Un dos fins sociais desta entidade é precisamente a difusión e sensibilización da sociedade respecto dos problemas asociados á adicción ao xogo ou outras adiccións sen sustancia ou comportamentais as que as nosas fillas e fillos, coas novas tecnoloxías tan a man, poden estar expostos.

A inscripción é de balde ata completar o aforo. O programa das Xornadas é o seguinte:

9:30 – 10:00  Recepción e entrega de material

10:00 – 10:30 Presentación da Xornada:
Autoridades asistentes
Asociación

10:30 – 11:30 Charla coloquio “Adiccións sen sustancia: Ludopatía, compras compulsivas, redes sociais, móbiles”
Intervención de D. José Manuel Recouso Ramos (Psicólogo Clínico de AGALURE)

11:30 – 12:00 Descanso

12:00 – 13:00 Relatorio: “Xogo Responsable”

Intervención de D. Máximo Enrique Gutiérrez Muélledes (Presidente de F.E.J.A.R.)

13:00 – 13:30 Relatorio: AGALURE como instrumento de Prevención. Intervención de D. Gerardo Rodríguez Velo (Secretario Agalure)

13:30 Clausura da Xornada

Alta participación no curso para Xuntas Directivas

ANPAs chegadas dende os puntos máis dispares da nosa Provincia: Cariño, Noia, Oleiros, Santa Comba, A Coruña, Muros, Boqueixón, Ordes, Miño, Oza Cesuras… xuntámonos, o pasado sábado 19, no curso de formación para Xuntas Directivas das ANPAs, que esta Federación  ven organizando dende hai anos e que, dado o cambiante da composición das Xuntas Directivas das ANPAs e as dúbidas que xurden na súa xestión, segue a ser dos cursos máis demandados.

20161119_105520_redmi-note-3_006Pola mañá, trala entrega de documentación e presentación da presidenta, Lola Blanco Sanguiñedo, tomou a palabra Nuria Martínez Pigueiras (Secretaría Técnica da Federación), que repasou os aspectos fundamentais na organización das ANPAs: obrigas documentais, fins, dereitos, instrumentos de participación…

Tras unha pequena pausa para tomar aire retomamos, da man de Juan Miguel Casal Castro (Secretaría Técnica da Federación), coas obrigas contables e fiscais das ANPAs, tema que sempre suscita moitas dúbidas que tentamos deixar resoltas.

O xantar, ademáis de para coller forzas e poñernos coa Lei Orgánica de Protección de Datos, sempre é un momento distendido no que aproveitamos para poñer en común as iniciativas, ideas, proxectos… que levamos a cabo nas nosas ANPAs.

De postre, tocoulle a Martín de Castro Avellaner (xerente de Magnadian, consultoría) explicarnos as obrigas das ANPAs no referente aos datos de carácter persoal (LOPD 15/1999 do 13 de decembro) e abrimos unha rolda de intervencións e debate que se alongou ata as 19:00.

Grazas a todas as ANPAs participantes e sí: haberá máis, prometido!