Concello da Coruña. Lecer Educativo 2022-2023

A proposta de lecer educativo da Federación Provincial de ANPAs para o curso 2022/23, enmárcase nun convenio de colaboración co Concello da Coruña.

Todas as actividades propostas desenvólvense nos centros públicos da cidade, favorecendo así a conciliación da vida laboral, social e familiar.
Estos programas pretenden ocupar o tempo de lecer da rapazada, con propostas onde o xogo e a diversión serán o aceno de identidade, proporcionando ao mesmo tempo un ocio activo e de calidade.
Os nenos e as nenas terán un amplo abano de experiencias, que lles permitirán completar o seu desenvolvemento integral como persoa, dentro dun colectivo e nun ambiente distendido, socializador e integrador dende tres ámbitos: DEPORTIVO, ARTÍSTICO – CULTURAL, e IDIOMAS

A proposta integral de ocio e educación abrangue tres liñas diferenciadas e combinables entre sí a través da seguinte oferta de lecer educativo:
· DEPORTE NO CENTRO.
· ARTE E CULTURA NO CENTRO: “Obradoiros” e “Proxectos”.
· IDIOMAS: “English Lab” e “On Parle”.

PERÍODO DE REALIZACIÓN
Do 3 de outubro de 2022 ao 31 de maio de 2023

PRAZOS E LUGAR DE INSCRICIÓN
A inscrición farase en liña a través da seguinte ligazón: www.fedapascoruna.org/inscripciones posta a disposición segundo o centro educativo no que estea matriculado a nena ou o neno participante.

Máis información

Concello da Coruña. Actividades extraescolares

Un curso mais e cunhas circunstancias moi especiais descoñecidas en calquera outro pasado, contactamos con vós para trasladarvos información das actividades que desde esta Federación, en convenio co Concello de A Coruña, pretendemos poñer en marcha para este curso 2020-2021.

Dadas as actuáis circunstancias da pandemia, e por suposto partindo da total autonomía para decidir as concretas actividades a ofertar, indicámosvos unhas pautas orientativas ou recomendacions a ter en conta:

– Cantas menos actividades se superpoñan na mesma franxa horaria mais doado resultará facer grupo coa menor agrupación posible de grupos de convivencia estable (CGE). En función da demanda, pode ser incluso recomendable a elección dunha única actividade para cada franxa horaria, garantindo así na maior medida posible a estanqueidade dos GCE e a formación de grupos sen merma do obxectivo conciliatorio que prima no contexto que vivimos.

– A actividade concreta elexida, que en todo caso será de dúas horas semanais en días distintos (agás os proxectos dos venres), deberá preferiblemente ubicarse temporalmente no mesmo tramo horario, de 16:00 a 17:00 ou de 17:00 a 18:00. Favorécese así a asistencia nos dous días elexidos, propiciando ademais unha maior calidade da actividade derivada dun seguimento continuado polos usuarios, así como unha combinación mais doada para as familias en función de que precisen conciliar unha ou dúas horas na tarde.

– Elaborar un planing que conteña unha única actividade por tramo de idade (Infantil, 1º a 3º de E.P. y 4º a 6º de E. P.) en cada hora, sen opcións de elección, é recomendable combinar actividades deportivas, de arte e cultura e de idioma, facendo así mais atractiva a proposta lúdico-educativa.

– Aínda que dende a Federación, e coa estricta observación de cantas medidas protocolarias se nos indiquen, tentaremos poñer en marcha todas as concretas actividades ofertadas, compre teñades en conta á hora da escoller, que sempre serán mais doadas de levar a cabo sen incidencias aquelas que non requiran contacto estreito entre os usuarios.

– A maior especificidade da actividade pode requerir da imparticion da mesma por persoal específico. As mais xeneralistas, pola contra, permiten que un mesmo educador imparta varias, evitando asi a necesidade dun maior número de educadores distintos no mesmo centro.

Ademáis para poder elaborar o noso protocolo COVID, precisamos coñecer canto antes:

1. As actividades extraescolares por nivel educativo que queredes ofertar no voso centro. 

2. Coñecer o protocolo COVID que implementará o voso colexio.

Todas as inscricións faranse online na web:  http://www.fedapascoruna.org/inscripciones

Para calquera dúbida, podedes contactar con nós no email: ocio@fedapascoruna.org

Un cordial saúdo

Federación Provincial ANPAs.

Teléfonos 981 20 20 02 – 981 20 18 77 

Programas Federación 2020-2021

Xaque ao virus

O luns 23 de marzo, deu comezo a proposta de lecer on- line “Xaque ao virus” que levan a cabo os educadores dos Programas de Lecer da Federación Provincial de Anpas

É unha proposta para o fomento da saúde tanto mental como física adaptada á situación do confinamento familiar no que a sociedade española está inmersa debido á pandemia provocada polo coronavirus. Dita proposta está orientada a todos os escolares rexistrados nos programas municipais “Deporte non Centro”, “Lecer Educativo-POE-” e “ Luditarde”, para así seguir mantendo a oferta educativa a todas aquelas familias rexistradas nos devanditos programas.

O Xogo consiste na superación de diferentes retos semanais para conseguir unha serie de puntos ou “antivirus” necesarios para derrotar ao coronavirus e avanzar postos na clasificación xeral. Os retos serán probas sinxelas a superar para acumular puntos para o teu colexio. Cada reto constará de dúas probas:

  • Proba CORPO EN FORMA: Serán tarefas que teñen que ver coa actividade física e o deporte e que poderás facer en casa.
  • Proba MENTE EN FORMA: Serán tarefas que fomentarán o desenvolvemento da túa creatividade. Cun pouco de imaxinación, seguro que as feixes facilmente.

Os retos publicaranse no blogue do xogo creado para o teu colexio os luns, mércores e venres ás 12:00 h. DISPÓS DE 36 HORAS PARA REALIZAR CADA RETO.

É moi sinxelo bastará con que envíes unha foto do reto ou un vídeo á dirección de correo electrónico do blogue do teu colexio. As direccións dos blogues son as seguintes:

E-mail: fapasalborada@gmail.com

E-mail: fapasanxodagarda@gmail.com

E-mail: fapacidadevella@gmail.com

E-mail: fapasconcepcionarena@gmail.com

E-mail: fapascurrosenriquez@gmail.com

E-mail: fapaseusebiodaguarda@gmail.com

E-mail: fapasjosecornide@gmail.com

E-mail:  fapasjuanfdezlatorre@gmail.com

E-mail: fapaslabaca@gmail.com

E-mail: fapasmanuelmurguia@gmail.com

E-mail: fapasmariabarbeito@gmail.com

E-mail: fapasmariapita@gmail.com

E-mail: fapaspracticas@gmail.com

E-mail: fapasramondelasagra@gmail.com

E-mail: fapasraquelcamacho@gmail.com

E-mail: fapasrosaliadecastro@gmail.com

E-mail: fapasagradafamilia@gmail.com

E-mail: fapassallence@gmail.com

E-mail:  fapassalgadotorres@gmail.com

E-mail:  fapasanpedrodevisma@gmail.com

E-mail: fapassanfranciscojavier@gmail.com

E-mail: fapassanjurjodecarricarte@gmail.com

E-mail: fapasvictorlopezs@gmail.com

E-mail: fapaswenceslao@gmail.com

E-mail: fapaszalaeta@gmail.com

E-mail: fapasieselvina@gmail.com

E-mail: fapasmenendezpidal@gmail.com

E-mail: fapasiesmontedasmoas@gmail.com

E-mail: fapasmariamarino@gmail.com

E-mail: fapasrosario@gmail.com

E-mail: ludiramon@gmail.com

Lembra que podes animar as túas e os teus compañeiros de actividades a participar no xogo. Cantas/os máis sexades máis puntuación para o voso colexio. A que esperades?

Máis información: Xaque ao virus

Programa: Itinerarios Urbanos Virtuais

Estimadas ANPAS.

Informamosvos anteriormente da continuidade dos nosos programas educativos de Ocio e Deporte incluidos no xogo online “Xaque ao Virus”, pois hoxe anunciamosvos que:

Desde o programa Itinerarios Urbanos tamén nos sumamos ao #quedateencasa, asi que a través desa iniciativa queremos que os escolares poidan seguir coñecendo a nosa cidade, tal e como o ían a facer presencialmente.

Isto é só un paréntese nas nosas vidas, pronto volveremos retomalas. Mentres tanto en itinerariosvirtuales.blogspot.com podedes seguir connosco a través das actividades que vos propomos e seguir os directos dos itinerarios virtuais a través de Facebook.com/itinerarios.virtuales.39.  

Hoxe ás 16:00 horas coñeceremos á muller que dá nome á nosa praza máis importante e tamén visitaremos a súa casa museo.

Esperámosvos.

PRÓXIMOS DIRECTOS

O calendario de itinerarios virtuais retransmitidos en directo previsto para os próximos días é o seguinte:

· Venres 27 de marzo: polas rúas da cidade de María Pita

· Martes 31 de marzo: praza de Azcárraga e Palacio de Capitanía

· Xoves 2 de abril: praza de María Pita e Casa Consistorial

Cada retransmisión dará comezo ás 17.00 horas.

Máis información na web do concello Aquí

Programa: Xaque ao virus

Estimadas ANPAS:

Ante todo transmitirvos todo o noso ánimo para poder aturar o aillamento necesario para combatir a extensión da pandemia.

Ante esta insólita situación, desde un dos nosos  obxectivos fundamentais como organización como é o fomento da protección da infancia e a xuventude, e por puro convencemento, pensamos que temos que colaborar, unha vez mais e na medida das nosas posibilidades na procura dun tempo de lecer organizado para a nosa rapazada, que supla en certa medida o tempo no que viñan realizando as nosas actividades extraescolares.

Por iso, vimos de crear un programa, no marco do Convenio co Concello da Coruña e coa súa inestimable colaboración, particularmente do Servizo Municipal de Educación, “XAQUE AO VIRUS”, que ofrecemos a todos os participantes nas nosas actividades extraescolares para que poidan seguir a facelas e ademais cos seus educadores e/ou monitores, mantendo así o contacto con todos eles e os seus compañeiros e compañeiras.

Sabemos que hai moita oferta de entretenimento on line, pero a nosa  responsabilidade lévanos a crer que o que o período de ficar na en casa vai ser longo e que o tempo libre ten que ser organizado e socializador. A rapazada, e as familias, poderán participar no noso proxecto e ainda convidar á participación dos seus coñecidos, facer seguimento dos seus compañeiros e compañeiras, esforzarse en acadar maior puntuación para o seu grupo dese centro educativo,…en definitiva, interactuar, aprender, socializar, compartir,…todos eses valores que desde sempre buscamos e que hoxe mais que nunca temos que potenciar e ser quen de transmitir aos nosos fillos e fillas….Pretendemos que este programa “Xaque ao virus” chegue a todas as familias, polo que unha vez mais pedimos a vosa cooperación cara á maior difusión posible entre os vosos asociados, tanto do comezo deste programa, que será o vindeiro luns por ser hoxe día non lectivo, como das instruccions que en breve vos remitiremos.

Grazas coma sempre pola vosa axuda.

Concello da Coruña. Programas Educativos Curso 2019/20

Ola, bo día e benvidos a este novo curso escolar 2019/20

Informamosvos da  oferta dos programas de actividades que imos desenvolver ao longo do curso polo que xuntamos os trípticos informativos e folla de inscrición en formato pdf que tamén recibiredes en papel no voso Centro entre luns ou martes da vindeira semana.

 Para facer todo máis operativo e sinxelo e facilitarvos o traballo do procedemento de inscrición e cobro de cotas en todos os programas, neste curso poderedes optar por dúas modalidades de inscrición:

 1.   On line: Cada familia, utilizando a ligazón https://forms.gle/ioajbL29PiKRHxjKA fará unha inscrición por alumno/a na que se inclúe, como campo obrigatorio a cubrir, a petición dos datos de domicialición bancaria. (A información que enviedes ás familias ten que levar: a ligazón, o tríptico que vos enviamos,as actividades que ofertades e os horarios nos que se impartirán no voso Centro). Cada inscrición xa se recibe na Federación, quen se encargará do cobro das cotas. Unha vez rematado o procedemento de recepción de todas as solicitudes, compartiremos convosco a listaxe dos alumnos/as e grupos conformados seguindo os criterios dos programas.

2.    Na propia ANPA. Como se fixo habitualmente, a Anpa recollerá as inscricións que nos entregaredes na nosa oficina. O cobro farase tamén mediante domiciliación bancaria, a excepción, polas razón que sexan, das familias que opten polo pago na propia ANPA.  

 Como sabedes, para implementar calquera dos programas ou todos eles, é necesario contar coa aprobación do Consello Escolar.

POE E DEPORTE NO CENTRO: Novidades: Inscrición online, domiciliación bancaria e lixeiro incremento do custo. Toda a información no tríptico que se achega.

 CÓXEGAS: do 11 ao 30 de setembro. Previamente deberedes confirmarnos, o máis rápidamente posible, se estades interesados en implementar este programa.

Inscrición:

A partires do día 2 de setembro, on line ou na ANPA. Se precisa un mínimo de 10 escolares para a formación de grupo.

Custo: 15 euros, aos que hai que engadir o seguro de accidentes de 4 euros ( cobertura para todos os programas xestionados pola Federación para o curso 19/20)  

Becados: Debido ao retraso por parte do Concello da resolución das solicitudes de bolsas de comedor, os escolares solicitantes das bolsas deberán cubrir igualmente o apartado dos datos bancarios tanto na inscrición on-line como no formulario na ANPA. Non se lles pasará o recibo devengado do mes de setembro ate a confirmación da concesión ou denegación da bolsa de comedor. Se teñen concedida a axuda, deberán comunicarllo á Federación vía email a ocio@fedapascoruna.org , tendo de prazo ate o día 5 de outubro. No caso de non ser beneficiarios da bolsa, procederemos ao cobro dos recibos que lles correspondan entre os días 5 e 10 de outubro. Os escolares beneficiarios das axudas están exentos de calquera cota, incluida a do seguro de accidentes.

 Importante:

–   O cobro das actividades faráse por domiciliación bancaria e nos 10 primeiros días do período cargaráse a cota correspondente.

–   Os gastos derivados da devolución dos recibos correrán pola conta do usuario.

–    Unha vez inscrito nos programas de ocio Educativo e Deporte no Centro, a renovación da inscrición para os seguintes períodos realizaráse automáticamente. Se non desexa continuar na actividade, deberá comunícalo via e-mail a ocio@fedapascoruna.org nos 15 días anteriores á finalización do período no que está inscrito.

 NATACIÓN ESCOLAR: Este programa depende do Servizo Municipal de Deportes, non é xestionado directamente pola Federación polo que a  inscrición NON SERÁ ON-LINE  e o procedemento do cobro da cota non sufre variación, sendo na ANPA e coas fichas de inscrición que vos faremos chegar a vindeira semana.

 LISTEN AND SPEAK: Continuaremos ofertando este programa do que enviaremos información a vindeira semana. Agora mesmo estamos á espera da información do Servizo Municipal de Educación.

Coma sempre, agradecervos o esforzo e traballo que supón a vosa inestimable labor nos Centros Escolares e decirvos que na xuntanza do martes día 3 estamos a vosa disposición para clarexar calquera dúbida ou ampliar a información.

 Un afectuoso saúdo

Xunta Directiva

Encontros Deportivos PATINAXE

Clausura das actividades de patinaxe no programa Deporte no Centro

O programa Deporte no Centro propón a realización de catro grandes encontros deportivos nos que poderán participar todos os nenos e nenas inscritos nas escolas de patinaxe.

Nestes encontros, os nenos e nenas amosarán ás súas familias e aos participantes doutros colexios algunhas das aprendizaxes adquiridas neste curso. Todo iso enmarcado dentro dun ambiente lúdico onde a participación e a diversión deben ser os obxectivos para alcanzar.

Devanditos encontros realizaranse no Palacio dos Deportes de Riazor. En concreto, no que participará o seu colexio, realizarase na data e horario que figuran a continuación.

Programas Educativos Curso 2018/19

A oferta de programas de ocio da Federación Provincial de ANPAs para o curso 2018/19, enmárcase dentro dun convenio de colaboración co Concello da Coruña.

Estes programas pretenden ocupar o tempo libre dos escolares, con propostas onde o xogo e a diversión serán o aceno de identidade, proporcionando ao mesmo tempo un lecer activo e de calidade.

Os nenos/as terán un amplo abano de experiencias, que lles permitirán completar o seu desenvolvemento integral como persoa, dentro dun colectivo e nun ambiente distendido, socializador e integrador.

Estes programas desenvolvense nos propios centros públicos da cidade, favorecendo así a conciliación da vida laboral, social e familiar.

Tripticos_programas_18_19